"Rauðhetta, Dýrkonur og aðrar verur í undurfögrum óbyggðum"

Laugardaginn 5. ágúst 2006, klukkan 14 opnar Karin Leening sýninguna "Rauðhetta, Dýrkonur og aðrar verur í undurfögrum óbyggðum" á Café Karólínu í Listagilinu á Akureyri.

Í list Karinar Leening "er allt mögulegt" segir hún. Karin málar, teiknar, býr til teiknimyndir og kennir börnum myndlist af ástríðu. Því að það er svo óskaplega mikilvægt að örva ímyndunar afl barnsins og kenna því ánægjuna af því að skapa. Það sama á sér stað í verki Karinar, það er ríkt ímyndunar og fullt sköpunargleði.

Karin er 'næv' listakona. En öðruvísi en fyrrum þegar nævir voru sjálfmenntaðir og gjarnan séðir sem sérvitringar sem ekki féll að kenna, er hún hámenntuð í myndlist, með minst þrjú skýrteini úr listaháskólum. Fyrst sem listmálari, það fannst henni ekki nóg og lærði margmiðlun 'multi-media'. Þar gerði hún teiknimyndir og enn er stíllinn einstakur og auðþekkjanlegur. Á útskriftarsýningunni vekur verk hennar athygli kennara framhaldsdeildar skólans og henni er boðið að taka þátt í meistara prógrammi (mastersnámi) skólans. Hvar hún útskrifast 2003. Síðan þá hefur eitt skírteini enn, fallið henni í skaut, 'listamaður í bekknum' (kunstenaar in de klas) sem gefur henni rétt til að miðla list sinni í bekkjum grunnskólanna. Nú er Karin fyrst og fremst upptekinn við að finna jafnvægið í praktíkinni, milli málverks kennslu og teiknimyndar.

Fyrir þessa sýningu hefur hún þrjú ný og áður ósýnd verk, og eitt frá 2004. Þau segja öll sögur, þar gefur að sjá dýr-konur, tildæmis fílakonur, úlfkonu með ljónkonu í bandi, Rauðhettu og Óttatígurinn, ásamt öðrum verum, á ferð í óbyggðu landslagi milli villigróðurs og hrikalegra fjalla. Litur þessara verka er líka öðruvísi en við eigum að venjast, hér er venjan undantekning og undantekningin venjan.

Það er tvírætt að útskýra mynd með orðum. "myndmál er mál útaf fyrir sig og lýtur öðrum lögmálum en ritað mál."

Nánar upplýsingar um sýninguna veitir Karinar Leening: [email protected] og í síma 4631238

Sýningin á Café Karólínu stendur til 1. september 2006. Allir eru velkomnir á opnun laugardaginn 5. ágúst 2006, klukkan 14. Á sama tíma stendur yfir sýningin "Mjúkar línur / Smooth lines" eftir Joris Rademaker á Karólínu Restaurant. Joris er Bæjarlistamaður Akureyrar.