Smíðaði fyrir Veru Wang

„Ég sæki minn innblástur í náttúruna, út í garð þar sem ég tíni laufblöð, blóm og annan gróður og smíða svo eftir þeim á mismunandi stigi þurrkunar. Þarf ekkert að leita lengra þar sem þessir fallegu hlutir eru þarna á jörðinnni," segir Orri Finnbogason gullsmiður.

Hann er farinn að hanna og smíða skartgripi undir merkinu Orri Finn Design og hefur fengið góðar undirtektir.

„Þar komst ég loks inn á stofu sem sérhæfði sig í demantaísetningu og smíði og var settur í hlutverk svokallaðs „runner" áður en ég fékk eitthvað að smíða; þvældist stundum um borgina með vasa fulla af rándýrum demöntum og skarti," rifjar hann upp og getur þess að smám saman hafi hann fengið að fikra sig yfir í smíði og demantaísetningu.

Hann hefur meðal annars unnið verkefni fyrir skartgripafyrirtækið Tiffany"s og heimsfræga tískuhönnuði á borð við Veru Wang.

Orri bjó og starfaði að mestu leyti í New York í fimmtán ár, með stuttu hléi þó þegar hann sneri heim og dvaldi hér í stutta stund til að ljúka námi. Í New York hannaði hann og seldi eigin skartgripi.

Á síðasta ári flutti hann svo heim til Íslands og er nú eins og áður sagði farinn að selja gripina hérlendis.

„Ég byrjaði bara á því að stofna Facebook-síðu undir Orri Finn Design og fékk góðar viðtökur," segir hann, og það eru orð að sönnu þar sem hann hefur eignast yfir 3.000 aðdáendur og skartið því augljóslega ekki síður vinsælt meðal Íslendinga en erlendra tískurisa. Það er nú fáanlegt í Kraumi og hjá Jens í Kringlunni.

[email protected]