Vinnur KR Reykjavíkurmótið í 39. sinn?

Úrslitaleikur Reykjavíkurmotsins í knattspyrnu fer fram í kvöld er KR og Fylkir mætast í Egilshöllinni en leikurinn hefst klukkan 20.00.

KR vann sigur á Val í undanúrslitunum í stórkostlegum knattspyrnuleik en lokatölur urðu 5-3. KR var 3-1 undir eftir rúman klukkutímaleik en snéri leiknum sér í hag og tryggði sér sæti í úrslitaleiknum.

Það var öllu rólegri undanúrslitaleikur milli Fylkis og Inkasso-liðs Fjölnis en Fylkir vann 2-0 sigur með tveimur mörkum skömmu fyrir hálfleik. Þannig fóru þeir í úrslitaleikinn.

Saga félaganna frá upphafi Reykjavíkurmótsins árið 1915 er ansi ólíklegt. KR hefur unnið mótið 38. sinnum en Fylkir einungis fjórum sinnum en getur unnið það í fimmta sinn í kvöld.

Flautað verður til leiks klukkan 20.00 í kvöld og leikið verður í Egilshöll.

Bikar í boði í kvöld!

KR - @fylkirmfl
4.2.2019
Egilshöll
20:00
Úrslit Reykjavíkurmótsins#allirsemeinn #fótbolti

— KR Reykjavik FC (@KRreykjavik) February 4, 2019

Strákarnir leika til úrslita í Reykjavíkurmótinu í kvöld!
Við mætum @KRreykjavik í Egilshöll en flautað verður til leiks klukkan 20!
Mætum í Höllina og styðjum okkar menn áfram!
#FylkirStoltirAlltaf #Höllin

— Fylkir FC (@fylkirmfl) February 4, 2019