Tíu greindust með veiruna innanlands í gær

Alls greindust fjórtán með veiruna á landamærum í gær en tólf þeirra bíða niðurstöðu mótefnamælingar, einn reyndist með mótefni og einn með staðfest smit.

Þetta kemur fram í uppfærðum tölum á vefnum covid.is.

Í fyrradag greindist 21 með covid-19 innanlands og tveir á landamærum. Höfðu þá ekki fleiri greinst með veiruna á einum sólarhring síðan 10. nóvember. 13 af þeim 21 sem greindust innanlands í fyrradag voru í sóttkví.

Enn eru 42 á sjúkrahúsi og þar af tveir á gjörgæslu.

Fréttin hefur verið uppfærð.