Blood Harmony gefur út draumkennt myndband sem tekið var upp í Svarfaðardal

Systkinin Örn Eldjárn og Ösp Eldjárn hafa bæði starfað í tónlist um langt skeið og höfðu oft rætt um að gera plötu saman, sem varð að veruleika þegar Covid skall á og í kjölfar þess voru þau bæði flutt norður í heimahagana. Þau umbreyttu kjallaranum á æskuheimilinu Tjörn í upptökustúdíó og hófu að taka upp lög. 

Þau fengu systur sína, Björk Eldjárn, til að slást í hópinn og syngja með þeim og þar með var samhljómurinn fullkomnaður. 

Myndbandinu var leikstýrt og það tekið upp af ljósmyndaranum og kvikmyndagerðarkonunni Elisa L. Iannacone hjá Reframe House. Það var tekið upp í Svarfaðardal og nágrenni í september, en það eru einmitt heimahagar systkinanna. Þau fengu fjölskyldu sína til að vera með í myndbandinu og meðal annars má sjá 4 kynslóðir kvenna, allt frá 93 ára ömmu þeirra til 12 ára dóttur Arnar. Elisa vildi draga fram fortíðarþrá og ljúfsáru tilfinningar lagsins í gegnum sjónræna ferð inn í heim ímyndunaraflsins.

Hægt er að fylgjast nánar með Blood Harmony á Facebook og Instagram.

Þessi grein birtist fyrst á Albumm.is. Albumm var stofnaður árið 2014 og fjallar um íslenska tónlist og menningu frá öllum hliðum. Hægt er að hafa samband í [email protected].