Ofvirkur með 30-bombu í jöfnum leik gegn LAVA

Gengi Ármanns hingað til hefur verið upp og ofan en búast mátti við sjóðheitu liði LAVA eftir að liðið lagði Íslandsmeistara Dusty á síðasta Ofurlaugardegi í Ljósleiðaradeildinni í CS:GO.

Ármann hafði betur í hnífalotunni og hóf leikinn í vörn en sókn LAVA var afar öflug framan af. Fyrstu þrjár loturnar féllu með LAVA þar sem Instant og Triple G héldu aftur af endurtökutilraunum Ármanns. Stalz og Goa7er áttu einnig góðan leik og innan skamms var staðan orðin 7-2 fyrir SAGA.

Ármann sneri vörn í sókn þegar Lambo bjargaði 10. lotu fyrir horn og var Ofvirkur áberandi bestur í comebacki Ármanns. Lambo og Vargur studdu hann vel og með mikilli seiglu komst Ármann í fyrsta sinn yfir í síðustu lotu hálfleiksins þegar Hyperactive hafði betur einn á einn gegn Spike og náði að aftengja sprengjuna.

Staða í hálfleik: LAVA 7 – 8 Ármann

LAVA jafnaði strax í upphafi síðari hálfleiks en Ármann tók forskotið á ný með þriggja lotu runu sem hófst á þrefaldri fellu frá Vargi og byggði á efnahagslegum yfirburðum Ármanns. Það létti þó yfir hjá LAVA þegar liðið gat loks vopnast almennilega. Stalz var í feiknargóðu formi og einfaldar aðgerðir LAVA reyndust árangursríkar.

Leikurinn var jafn fram á lokametrana en tvær lotur í röð þar sem Ármanni tókst að sprengja sprengjurnar gerðu útslagið og nældi Ármann sér því í sinn fjórða sigur á tímabilinu til þessa.

Lokastaða: LAVA 14 – 16 Ármann

Næstu leikir liðanna:

• Ármann – TEN5ION, þriðjudaginn 1. nóvember kl. 20:30
• LAVA – Fylkir, fimmtudaginn 3. nóvember kl. 20:30

Sýnt verður frá leikjunum á Stöð 2 Esport og á Twitch síðu Rafíþróttasamtaka Íslands.