Innlent

Metfjöldi manndrápsmála, æsi­spennandi kosningar og tón­list í beinni

Sunna Sæmundsdóttir skrifar
Telma Tómasson les kvöldfréttir í kvöld.
Telma Tómasson les kvöldfréttir í kvöld.

Maður sem sætir gæsluvarðhaldi í tengslum við andlát móður sinnar hefur áður hlotið dóm fyrir ofbeldi gegn foreldrum sínum. Aldrei hafa fleiri manndrápsmál komið upp á einu ári. Í kvöldfréttum Stöðvar 2 verður rætt við afbrotafræðing sem segir þróunina uggvænlega og tilefni til að styðja betur við fólk sem stendur höllum fæti í samfélaginu. Þá mætir formaður Afstöðu í sett en hann viðrað áhyggjur af stöðu gerandans og gagnrýnir úrræðaleysi.

Umsókn um hvalveiðar hefur borist matvælaráðuneytinu og ráðherra segir nauðsynlegt að tryggja afgreiðslu hennar. Við heyrum í ráðherra og hvalavinum sem eru allt annað en sáttir með vendingarnar.

Þá verður kafað í pólitíkina og við hittum fyrrverandi borgarstjóra sem ætlar á þing í beinni. Auk þess verður rætt við almannatengil sem segir stefna í gríðarspennandi kosningar.

Auk þessa verður farið yfir stöðuna fyrir kosningar sem nálgast óðfluga í Bandaríkjunum og við verðum í beinni með Mugison sem hefur troðið upp í hátt í hundrað kirkjum á landinu. Í Sportpakkanum kíkir Valur Páll í Víkina þar sem fólk er að búa sig undir einn stærsta knattspyrnuleik síðari ára.

Þetta og margt fleira í opinni dagskrá á samtengdum rásum Bylgjunnar, Stöðvar 2 og Vísis klukkan 18:30.

Klippa: Kvöldfréttir 25. október 2024
Kvöldfréttir Stöðvar 2

Mest lesið


Fleiri fréttir

Sjá meira


×

Mest lesið