Stj.mál

Powell smeykur um framtíð Íraks

Colin Powell segist smeykur um framtíð Íraks að afloknum kosningum sem fara eiga fram í landinu þann þrítugasta þessa mánaðar. Utanríkisráðherrann fráfarandi segir þó nauðsynlegt að kosningarnar fari fram á tilsettum tíma, enda komi það ekki til álita að bráðabirgðastjórnin verði við völd áfram.

Erlent 13.10.2005 15:20

Bíða viðbragða félagsmálaráðherra

ASÍ bíður eftir viðbrögðum félagsmálaráðuneytisins við greinargerð um gagnrýnina á Impregilo. Vonast er eftir viðbrögðum eða fundi í dag. Fjallað verður um málið á miðstjórnarfundi á morgun.

Innlent 13.10.2005 15:20

Nýr sendiherra í Þýskalandi

Ólafur Davíðsson afhenti í gær Horst Köhler, forseta Þýskalands, trúnaðarbréf sitt sem sendiherra Íslands í Þýskalandi.

Innlent 13.10.2005 15:20

Segir feril Alfreðs senn á enda

Það þarf hins vegar engan sérfræðing til að átta sig á því að eftir 35 ára starf að borgarmálum hlýtur að vera farið að styttast eitthvað í annan endann á stjórnmálaferli Alfreðs Þorsteinssonar," segir Guðjón Ólafur Jónsson, varaþingmaður Framsóknarflokksins, á vef framsóknarmanna, hrifla.is.

Innlent 13.10.2005 15:20

Ólafur afhenti trúnaðarbréf sitt

Ólafur Davíðsson, sendiherra Íslands í Þýskalandi, afhenti forseta Þýskalands, Horst Köhler, trúnaðarbréf sitt í dag. Þýskaland hefur um árabil verið stærsta viðskiptaland Íslands og voru heildarviðskipti landanna á síðastliðnu ári tæplega 60 milljarðar króna.

Innlent 13.10.2005 15:20

Fundur ekki ákveðinn

Enn er ekki búið að ákveða hvenær viðræður Íslendinga og Bandaríkjamanna um framtíð varnarliðsins á Keflavíkurflugvelli munu fara fram.

Innlent 13.10.2005 15:20

Segir ummæli Davíðs ömurleg

Össur Skarphéðinsson, formaður Samfylkingarinnar, segir ömurlegt að hlusta á viðbrögð utanríkisráðherra við skoðanakönnun Gallups um afstöðu almennings til Íraksstríðsins. Hann segir að forystumönnum ríkisstjórnarinnar væri nær að biðja þjóðina afsökunar.

Innlent 13.10.2005 15:19

Samhljómur Davíðs og Samfylkingar

Kristján Möller, þingmaður Samfylkingarinnar, fagnar hugmynd Davíðs Oddssonar utanríkisráðherra um að fjármagn sem ríkið fengi fyrir sölu Símans verði notað til stórs verkefnis, til dæmis að byggja nýtt sjúkrahús fyrir Landspítalann. Fyrir ári síðan lagði Kristján og fleiri þingmenn Samfylkingar fram þingsályktunartillögu þar sem þetta var lagt til.

Innlent 13.10.2005 15:20

Finni leiðir til þjóðaratkvæðis

Davíð Oddsson, formaður Sjálfstæðisflokksins, segir að við endurskoðun stjórnarskrárinnar sé sjálfsagt að fundnar verði lýðræðislegar leiðir til þess að koma mikilvægum málum í þjóðaratkvæðagreiðslu.

Innlent 13.10.2005 15:20

Þjóðin eigi inni afsökunarbeiðni

Formaður Samfylkingarinnar segir að þjóðin eigi inni afsökunarbeiðni hjá utanríks- og forsætisráðherra vegna veru Íslands á lista þeirra þjóða sem studdu innrásina í Írak. Hann hvikar hvergi frá þeirri skoðun sinni að Ísland verði að taka af listanum.

Innlent 13.10.2005 15:20

Ísland ekki með í Íraksstríði

Íslendingar taka ekki þátt í stríðsrekstrinum í Írak. Þetta sagði Davíð Oddsson utanríkisráðherra á fjölmennum fundi Sjálfstæðisflokksins í Valhöll í dag. Ráðherra sagði að í aðdraganda ákvörðunar um stuðning við aðgerðir Bandaríkjamanna og Breta í Írak hefði verið ljóst að Íslendingar gerðu enga stóra hluti en stjórnvöld hefðu ekki viljað sitja hjá.

Innlent 13.10.2005 15:19

Segir Íraksumræðu á villigötum

Davíð Oddsson utanríkisráðherra segir umræðu hér á landi um stuðning Íslands við innrásina í Írak á villigötum. Þá undrast hann að Gallup skuli hafa tekið þátt í uppþoti stjórnarandstöðunnar með því að kanna hug landsmanna til stríðsins. Spurningin hefði verið svo vitlaus að hann hefði sjálfur átt í vandræðum með að svara henni.

Innlent 13.10.2005 15:19

Sendiherra í viðskiptum

Júlíus Hafstein, fyrrverandi borgarfulltrúi hóf störf í utanríkisráðuneytinu um áramótin. Júlíus mun hafa sendiherratign en starfa sem yfirmaður viðskiptaþjónustu utanríkisráðuneytisins. Verður hún aðskilin frá viðskiptaskrifstofu ráðuneytisins og einbeitir sér að útrás íslensks atvinnulífs.

Innlent 13.10.2005 15:19

Ríkið gefur 150 milljónir

Miðað við höfðatölu hefur hver Íslendingur gefið átta hundruð og tuttugu krónur til að lina þjáningar bágstaddra eftir hamfarirnar á annan jóladag við Indlandshaf. Heildarupphæð íslenskra framlaga er komin í 240 milljónir króna. Munar þar mestu um framlag ríkisstjórnarinnar, alls 150 milljónir sem samþykkt var á föstudag.

Erlent 13.10.2005 15:19

Áramótaávörp formanna flokkanna

Hér er að finna ávörp stjórnmálaforingjanna. Fréttablaðið fór þess á leit við formenn allra stjórnmálaflokkanna að þeir rituðu áramótahugvekju til birtingar í blaðinu í dag, gamlársdag. Greinar bárust frá formönnum Frjálslynda flokksins, Framsóknarflokksins, Samfylkingarinnar og Vinstrihreyfingarinnar - græns framboðs.

Innlent 13.10.2005 15:19

Nánast öll þjóðin á móti

Guðmundur Árni Stefánsson, þingmaður Samfylkingarinnar, segir ekki koma á óvart að nánast öll þjóðin sé á móti því að Íslendingar séu á lista hinna staðföstu þjóða samkvæmt nýrri Gallup-könnun. Sólveig Pétursdóttir, formaður utanríkismálanefndar Alþingis, segir listann ekki skipta máli í dag þar sem hann hafi ekki haft þjóðarréttarlegar skuldbindingar í för með sér.

Innlent 13.10.2005 15:18

Samningur um þjónustu við fatlaða

Árni Magnússon félagsmálaráðherra og Þengill Oddsson, formaður stjórnar Skálatúnsheimilisins, undirrituðu í dag samning um þjónustu Skálatúns við fatlaða. Árlegar greiðslur félagsmálaráðuneytisins til Skálatúns vegna samningsins nema 255 milljónum króna.

Innlent 13.10.2005 15:18

Saumað að verðandi ráðherra

Erfiðar spurningar um grundvöll stefnu Bandaríkjastjórnar, einkum um meðferð stríðsfanga, verða lagðar fyrir dómsmálaráðherraefni Bandaríkjaforseta þegar hann kemur á fund þingnefndar í dag. Þingmenn vilja meðal annars vita hvernig hann gat komist að þeirri niðurstöðu að Genfarsáttmálarnir væru úreltir.

Erlent 13.10.2005 15:18

84% á móti staðfestu-listanum

Mikill meirihluti landsmanna er á móti því að Ísland sé á lista hinna "staðföstu þjóða" sem lýstu yfir stuðningi við innrás Bandaríkjanna og Bretlands í Írak. Þetta er niðurstaða skoðanakönnunar Gallups sem gerð var í lok síðasta árs. 84% sögðust andsnúin því að Ísland væri á listanum.

Innlent 13.10.2005 15:18

Ágreiningur um hlutverk nefndar

Flokksforingjar og ráðherrar voru í gær skipaðir í nefnd til að endurskoða stjórnarskrá. Formaður Samfylkingarinnar undrast að einungis eigi að endurskoða hlutverk forseta og Alþingis.

Innlent 13.10.2005 15:18

Fastagjaldið hækkar

Tilkynnt var í gær að almennur taxti hjá Orkuveitu Reykjavíkur muni nú 1. febrúar hækka um 3,89 prósent. Gjald á almennum taxta mun lækka um 3,5 prósent, en fastagjaldið mun þess í stað hækka um 3.204 krónur á ári, sem er um helmingshækkun.

Innlent 13.10.2005 15:18

Spyr um trúnaðarstörf sendiherra

Mörður Árnason, þingmaður Samfylkingarinnar, leggur fram fyrirspurn til utanríkisráðherra á Alþingi, þegar þing kemur saman að nýju eftir jólaleyfi, um trúnaðarstörf sendiherra fyrir stjórnmálaflokka. Hann segir að tilefni fyrirspurnarinnar sé nýleg skipan Þorsteins Pálssonar sem fulltrúi Sjálfstæðisflokksins í opinbera nefnd á vegum forsætisráðherra.

Innlent 13.10.2005 15:18

Spurt um sendiherra

Mörður Árnason, alþingismaður Samfylkingarinnar hefur lagt fram fyrirspurn á Alþingi um trúnaðarstörf sendiherra fyrir stjórnmálaflokkana

Innlent 13.10.2005 15:18

Ekkert útilokað

Jón Kristjánsson, nýskipaður formaður stjórnarskrárnefndar segir það misskilning að ekki komi til greina að breyta öðrum köflum stjórnarskrárinnar en þeim sem sérstaklega eru tilgreindir í skipunarbréfi nefndarinnar.

Innlent 13.10.2005 15:18

Hús OR 32% fram úr kostnaðaráætlun

Heildarkostnaður við nýjar höfuðstöðvar Orkuveitu Reykjavíkur er tæpir 4,3 milljarðar króna. Kostnaður við aðalbygginguna fór 32% fram úr upphaflegri kostnaðaráætlun en stjórnarformaðurinn segir þá áætlun hafa verið ranga. Hann segir fermetraverð hússins svipað og í vandaðri grunnskólabyggingu.

Innlent 13.10.2005 15:18

Lækkun fasteignagjalda á Nesinu

Meirihluti Sjálfstæðisflokks í bæjarstjórn Seltjarnarness hefur ákveðið að leggja fram tillögu um lækkun fasteignagjalda árið 2005 á Seltjarnarnesi á fundi bæjarstjórnar síðar í mánuðinum. Flokkurinn segir það í samræmi við stefnu hans um ábyrga fjármálastjórn bæjarins og lágar álögur.

Innlent 13.10.2005 15:18

Ekki stætt á veitingu atvinnuleyfa

Alþýðusamband Íslands telur ekki neinar forsendur fyrir stjórnvöld til að afgreiða beiðni Impregilo um atvinnuleyfi fyrir allt að 300 Kínverja með jákvæðum hætti. 4.700 Íslendingar leiti eftir atvinnu samkvæmt skrám. Ekki sé stætt á því að veita fyrirtæki atvinnuleyfi sem snuðar erlent starfsfólk.

Innlent 13.10.2005 15:18

Óeining í stjórnarskrárnefnd

Ingibjörg Sólrún Gísladóttir, varaformaður Samfylkingarinnar, segir skipunarbréf stjórnarskrárnefndarinnar bjóða heim óeiningu strax í upphafi starfsins. Jónína Bjartmarz, alþingismaður Framsóknarflokksins, sakar Samfylkinguna um geðvonsku á nýju ári.

Innlent 13.10.2005 15:18

Ákvörðun verði tekin um Sundabraut

Sjálfstæðismenn í borgarstjórn vilja að ákvörðun um legu Sundabrautar verði tekin sem fyrst. Þeir vilja sjálfir að gerð verði lágbrú af Gelgjunesi yfir í Grafarvog en það er jafnframt ódýrasta leiðin. .

Innlent 13.10.2005 15:18

Borgin skoði kaupin á Skjá einum

Hart var tekist á um tillögu sjálfstæðismanna í borgarstjórn um úttekt á rekstri fjarskiptafyrirtækja Orkuveitunnar á fundi borgarstjórnar í gær. Þess í stað var samþykkt tillaga um að láta gera úttekt á fjárfestingum fyrirtækja í opinberri eigu.

Innlent 13.10.2005 15:18

Mest lesið