Jól

Spennufíkill korter fyrir jól

„Ég veit ekki hvort það er tilviljun eða dulin spennufíkn, en ég fer oft af stað í breytingar heima hjá mér korter fyrir jól, það er sennilega að þá hefur maður jólin til að reka á eftir manni sem einhverskonar „skiladag", segir útvarpsmaðurinn Gunnlaugur Helgason, betur þekktur sem Gulli Helga, spurður út í undirbúning fyrir hátíðarnar. „Ég skal alveg viðurkenna að það er voða gaman að fara í breytingar heima hjá sér en það þarf oft einhvern eða eitthvað til að ýta manni af stað og í þessu tilfelli var það dóttir mín sem vildi ekki hafa bleika litinn í herberginu sínu lengur," segir Gulli. Hvað kemur þér í hátíðarskap? „Frost, snjór, piparkökur, Ó helga nótt með Agli Ólafs, jólaljós og smá áhyggjur af jólagjöfunum. Annars er sú venja hér á heimilinu að pakka jóladiskum og jólamyndunum (DVD) með skrautinu þannig að þegar að kassarnir eru opnaðir þá er oft sest niður og horft á skemmtilegar myndir sem tengjast jónunum, ég mæli með: Love Actually, Chrismas Vacation, White Christmas, It´s a Wonderful Life svo einhverjar séu nefndar," segir hann. Eftirminnileg jól „Ætli að séu ekki jólin sem yngsti sonur okkar fæddist, Ágústa konan mín var sett 19. des en á aðfangadag var hann ekki enn kominn í heiminn. Hún mátti ekki hósta þá hélt ég að hún væri að fara fæða, en svo fór hún af stað um nóttina og hann fæddist á jóladag. Pabbi hans er líka smiður en móðir hans heiti Ágústa ekki María," segir Gulli hlæjandi. Stúfur birtist alltaf á aðfangadagskvöld „Við höfum fengið „óvænta" heimsókn undanfarin 20 ár á aðfangadag, þá hefur Stúfur komið með pakka heim til okkar, veit ekki af hverju, sennilega eru börnin mín svo stillt. Undanfarin jól hefur verið hamborgarahryggur á aðfangadag, en núna verður þríréttað því ég fékk gefins tvær rjúpur og ég mun borða þær báðar aleinn. Yngsti sonur minn vill nautalund og restin hamborgarahrygg þannig að það verður fjör í eldhúsinu þann daginn," segir Gulli að lokum. - [email protected]

Jólin

Skotheld fegrunarráð fyrir jólin

„Á vinnuborðinu hjá mér þegar kemur að augnförðun fyrir þessi jól eru gylltir og kóngabláir litir," segir Karl Berndsen hár- og förðunarfræðingur.

Jólin

Náttúrulega klassískir

Að pakka inn jólagjöfunum er skemmtilegur lokahnykkur á jólaundirbúningnum. Pakkarnir geta verið einfaldir eða skrautlegir, aðalmálið er að leggja alúð í verkið og útkoman verður flott.

Jólin

Þurfum ljós á aðventunni

Kertagerð er göfugt og heillandi viðfangsefni. Um það er auðvelt að sannfærast þegar komið er í fyrirtækið Jöklaljós þar sem nostrað er við hvert og eitt kerti.

Jólin

Reidd á hesti til nýrra heimkynna

Þegar Freyja Fanndal Sigurðardóttir er beðin um að rifja upp bernskujól þá kemur á hana hik. Svo hverfur hún í huganum aftur í tímann, fyrst til ársins 1941 því þá urðu mikil umskipti í lífi hennar, hún flutti að Hólum í Hjaltadal til fósturforeldra.

Jólin

Óvæntir dýrgripir undir jólatrénu

Það er fátt sem hreyfir eins mikið við hjarta mannfólksins á jólunum en heimagerðar gjafir barna, enda allt ósvikin listaverk sem unnin eru með hjartanu og af persónulegri natni og hlýhug til þess sem gjöfina á að fá.

Jólin

Grýla var örugglega glysgjörn

l Í rauðu húsi við Skólavörðustíginn leynist lítið gallerí þar sem Edda Herbertsdóttir útbýr fígúrur úr ull og fleiru. Má þar nefna jólasveina, engla í litríkum þjóðbúningum, karla og kerlingar. Hún notar mest íslenska kembu eða flókaull og þæfir með nálu

Jólin

Klassískir og einfaldir pakkar

Jólapakkar vekja upp tilhlökkun og bros og er það ekki eingöngu vegna spennu yfir hvað í þeim leynist heldur líka vegna þess hve fallegir þeir geta verið á að líta. Kristín Magnúsdóttir útbjó nokkra klassíska jólapakka fyrir okkur.

Jólin

Nótur fyrir píanó: Bráðum koma blessuð jólin

Jónína H. Gísladóttir tónlistarkennari gaf út bókina Bráðum koma blessuð jólin árið 1977. Þar er að finna nótur að íslenskum jólalögum fyrir píanó. Bókin hefur notið mikilla vinsælda allar götur síðan og er meðal annars fáanleg í Tónastöðinni í Skipholti í Reykjavík.

Jól

Laufabrauð

Að skera út laufabrauð er einn af hápunktum aðventunnar hjá mörgum fjölskyldum. Hægt er að kaupa deigið tilbúið, en vilji menn búa til það sjálfir er þessi uppskrift góð.

Jól

Jólin í fyrri daga

Nokkru fyrir jólin lét móðir mín steypa mikið af kertum. Þann dag fór hún snemma á fætur til þess að tvinna rökin. Þau voru úr ljósagarni.

Jól

Jólapappír endurnýttur

Það er gamlársdagur. Þú staulast fram úr rúminu í nýju náttfötunum með svefnfar eftir bókina sem þú fékkst í jólagjöf. Þú kemur inn í stofu og: ó nei! Jólapappír út um allt síðan á aðfangadag! En ekki örvænta. Það er nóg hægt að gera með gamlan jólapappír þó hann sé rifinn og tættur eftir þá yngstu, og stundum elstu, á heimilinu 

Jólin

Ferðamenn vilja sjá flugelda

Æ fleiri erlendir ferðamenn sækja í flugeldasýningar, skemmtanir og veisluhöld um áramót á Íslandi, að sögn Ernu Hauksdóttur framkvæmdastjóra Samtaka ferðaþjónustunnar.

Jólin

Hljómsveitin gafst upp

 "Þeir sem eru fastagestir hjá okkur ganga fyrir en þegar þeir eru búnir að taka sín sæti komast aðrir að," segir Stefán Sigurðsson, framkvæmdastjóri Perlunnar, um nýársfagnaðinn í ár. "Við gerum ráð fyrir um það bil 270 manns, en gestum verður boðið upp á sjö rétta máltíð og frábæra skemmtun." 

Jólin

Sameinast um hlífðargleraugu

21 þúsund börnum og unglingum á aldrinum 10 til 15 ára verða send heim "flugeldagleraugu" í boði Blindrafélagsins og Slysavarnafélagsins Landsbjargar núna fyrir áramót. Fyrstu gleraugun voru afhent með viðhöfn í Skógarhlíð í Reykjavík á annan í jólum og skotið upp nokkrum flugeldum.

Jólin

Býður upp a mat í kvöld

Veitingamaðurinn Maggi sem rekur matsölustað í Grafarvogi segist tilbúinn að standa í uppvaski fram á nýja árið. Hann býður öllum þeim sem vilja eiga notalegt aðfangadagskvöld, á veitingastaðinn sinn Mangó í kvöld og skiptir út hamborgurum og pizzum fyrir hátíðarkvöldverð.

Jólin

Gleðja útlendinga

"Ég var með Dani í heimsókn og fór um borgina og sýndi þeim jólaljósin. Þeir urðu orðlausir þegar þeir sáu allt skrautið hjá Sigtryggi," segir Guðný Ólafsdóttir, starfsmaður Samskipa, um jólaljósin sem lýsa upp hús og garð Sigtryggs Helgasonar í Hlyngerði 12 í Reykjavík. Sjálfri finnst Guðnýju talsvert til koma, líkt og öðrum sem fara þar hjá.

Jólin

Arnaldur í sérflokki

"Ég átti von á því að Kleifarvatn myndi seljast vel, en það eru mikil tíðindi ef hún selst í 20 þúsund eintökum," segir Sigurður Svavarsson hjá Félagi íslenskra bókaútgefenda um bókasöluna fyrir jólin.

Jólin

Hamborgarhryggur í rjúpnaleysinu

Íbúar Nausts, dvalarheimilis aldraðra á Þórshöfn á Langanesi, fá ekki rjúpurnar sínar þessi jólin frekar en flestir aðrir. Því verður hamborgarhryggur á borðum með tilheyrandi meðlæti. Í eftirrétt er heimalagaður ís ráðskonunnar.

Jólin

Veittu fjögurra milljóna styrk

Finnur Árnason framkvæmdastjóri Hagkaupa og Ingibjörg Pálmadóttir fyrrverandi ráðherra og framkvæmdastjóri Velferðasjóðs barna afhentu í vikunni Mæðrastyrksnefnd og Hjálparstofnun Kirkjunnar styrk að upphæð 4 milljónir króna til kaupa á jólagjöfum fyrir börn og unglinga.

Jólin

Mest lesið