Cole áfram hjá Arsenal

Vinstri bakvörðurinn Ashey Cole hefur skrifað undir framlengingu á samningi sínum við Arsenal, eftir að framtíð hans hjá félaginu hékk á bláþræði um tíma vegna ólöglegra viðræðna hans við Chelsea. Cole verður því áfram hjá Lundúnaliðinu til ársins 2008 og segist feginn að vera búinn að tryggja framtíð sína. "Nú get ég ekki beðið eftir að hefjast handa með Arsenal, því við erum staðráðnir í að gera harða atlögu að titlinum í vetur," sagði Cole, sem á tímabili sagðist ekki geta ímyndað sér að verða í náðinni hjá Arsenal aftur eftir þá niðurlægingu sem fylgdi í kjölfar leynilegs fundar hans með forráðamönnum grannaliðsins Chelsea