Makamál

Spurning vikunnar: Hvert er þitt viðhorf til sjálfsfróunar maka?

Ása Ninna Pétursdóttir skrifar
Hver er þín skoðun?
Hver er þín skoðun? Getty

Þó svo að pör lifi góðu og virku kynlífi saman getur sjálfsfróun einnig verið stór hluti af kynlífsupplifun hvers og eins. Á meðan sumir fagna því að makinn sé einnig að upplifa kynferðislegan unað með sjálfum sér eru þó aðrir sem geta jafnvel fundist það óviðeigandi.

Í einhverjum tilvikum, ef að kynlífið er lítið sem ekkert á milli para, getur fólk upplifað það sem höfnun ef maki þeirra sækir meira í að fullnægja þörfum sínum einn frekar en með makanum.

Getty

Aðstæður og tilfinningar skipta þarna miklu máli og getur þessi umræða því reynst einhverjum pörum viðkvæm.

Eins og með allt sem viðkemur þörfum okkar sem kynverum og sem manneskjum í virku kynferðislegu sambandi, ætti alltaf að vera ákjósanlegast að geta tjáð sig heiðarlega við maka sinn. 

Hafa ber í huga að sjálfsfróun fólks í sambandi getur auðvitað átt sér stað með maka og upplifa sumir það sem örvandi reynslu að sjá maka sinn veita sjálfum sér unað. 

Á næstunni munu Makamál kafa dýpra í þetta málefni og taka viðtöl við fagfólk. Út frá þessum hugrenningum er Spurning vikunnar sprottin.

Spurningin er að þessu sinni kynjaskipt og er fólk beðið um að svara þeirri könnun sem á við þeirra kyn. 

Hvert er þitt viðhorf til sjálfsfróunar maka? 

Karlar svara hér fyrir neðan:

Konur svara hér fyrir neðan: 

Allar fyrirspurnir og ábendingar um efni má senda á netfangið [email protected]

Spurning vikunnar Rúmfræði Ástin og lífið Kynlíf

Tengdar fréttir

„Ég byrjaði að rembast og Hörður var ekki enn kominn“

„Ég var ein nánast í allri fæðingunni og það var mjög óþægilegt þar sem ég var að gera þetta í fyrsta skipti og vissi ekkert. En ljósmæðurnar voru æðislegar svo að það hjálpaði mikið til.“ Þetta segir Móeiður Lárusdóttir, eða Móa eins og hún er alltaf kölluð, í viðtali við Makamál.

Einhleypan: Ferðasjúkur lögfræðingur í leit að ástinni

„Eftir að hafa lagt skólabækurnar alfarið á hilluna, í bili, þá er ég í dag að fikra mig áfram í nýjum áhugamálum og á döfinni er mikið af ferðalögum, eða það vona ég.“ Þetta segir Agnes Ýr Stefánsdóttir Einhleypa vikunnar.



Mest lesið


Fleiri fréttir

Sjá meira


×

Mest lesið