Íslenski handboltinn

3 marka sigur á Norðmönnum

Íslenska handboltalandsliðið sigraði Norðmenn, 26-23 í morgun á 4 liða æfingamótinu í Póllandi og tryggðu sér þar með sigur á mótinu. Guðjón Valur var markahæsti leikmaður mótsins með 25 mörk en hann og Ólafur Stefánsson voru valdir í úrvalslið mótsins.

Sport 29.10.2005 13:47

Jafntefli gegn Dönum

Íslenska landsliðið í handknattleik gerði jafntefli við Dani 32-32 á æfingamótinu í Póllandi nú áðan. Leikurinn var jafn og spennandi allan tímann, en íslenska liðið hafði yfir 17-16 í hálfleik. Guðjón Valur Sigurðsson skoraði 8 mörk fyrir Ísland, en Alexander Petersons kom næstur með 6 mörk. Ólafur Stefánsson, Einar Hólmgeirsson og Róbert Gunnarsson skoruðu allir 4 mörk.

Sport 28.10.2005 16:43

Ísland yfir gegn Dönum í hálfleik

Íslenska landsliðið í handknattleik hefur yfir 17-16 gegn Dönum á æfingamóti sem haldið er í Póllandi þessa dagana. Guðjón Valur Sigurðsson er markahæstur í íslenska liðinu með 4 mörk í hálfleiknum.

Sport 28.10.2005 15:58

Naumur sigur á Pólverjum

Íslenska landsliðið lagði Pólverja 38-37 í vináttuleik ytra nú áðan, en leikurinn er liður í fjögurra liða æfingamóti sem fram fer þar í landi. Staðan í hálfleik var 18-17 fyrir Ísland og Ólafur Stefánsson var markahæstur íslenska liðsins með 10 mörk, en Guðjón Valur Sigurðsson kom næstur með 7 mörk.

Sport 27.10.2005 19:28

Tveir leikir í kvöld

Þór bar sigurorð af Víkingi/Fjölni á Akureyri í DHL deild karla í kvöld 31-26. Þá sigruðu Haukastúlkur Gróttu á Ásvöllum í hörkuleik 23-22 og lyftu sér í annað sæti deildarinnar.

Sport 23.10.2005 22:05

Valur vann nauman sigur

Valsmenn unnu nauman sigur á Aftureldingu í DHL-deild karla í handknattleik í dag 27-26 og hleyptu spennu í leik sem þeir höfðu í hendi sér þangað til á lokamínútunum. Baldvin Þorsteinsson skoraði 8 mörk fyrir Val, en Einar Ingi Hrafnsson skoraði 10 mörk fyrir Mosfellinga.

Sport 23.10.2005 17:51

Haukar töpuðu fyrir Gorenje

Haukar töpuðu fyrir slóvenska liðinu Gorenje Valenje 33-28 í Meistaradeild Evrópu á Ásvöllum í dag, eftir að hafa verið undir 20-11 í hálfleik. Árni Þór Sigtryggsson var markahæstur Haukanna með 8 mörk. Þetta var síðasti heimaleikur Hauka í riðlinum, en næsti leikur þeirra er gegn Arhus.

Sport 23.10.2005 17:51

Fjórir leikir í DHL-deild kvenna

Fjórir leikir voru á dagskrá í DHL-deild kvenna í handknattleik í dag. Stjörnustúlkur eru í efsta sæti deildarinnar með 9 stig eftir fimm leiki, en þær báru sigurorð af Fram í dag 24-22.

Sport 23.10.2005 17:51

Fyrsta tap Fram staðreynd

KA sigraði Fram í DHL-deild karla í handknattleik á Akureyri í kvöld, 23-21, en þetta var fyrsta tap Fram í deildinni í vetur. Þá vann ÍR auðveldan sigur á HK í Austurbergi 27-29.

Sport 23.10.2005 17:51

Guðjón Valur með sjö mörk

Guðjón Valur Sigurðsson skoraði sjö mörk og Róbert Gunnarsson fimm þegar lið þeirra Gummersbach lagði Hamburg að velli, 31-27, í þýsku úrvalsdeildinni í handknattleik í gærkvöld. Guðjón Valur er því enn markahæstur í deildinni.

Sport 23.10.2005 17:51

Sigur hjá Stjörnunni og Haukum

Tveir leikir voru á dagskrá í DHL deild kvenna í handknattleik í kvöld. Stjörnustúlkur lögðu HK í Digranesi með 35 mörkum gegn 31 og Íslandsmeistarar Hauka sigruðu Fram á útivelli, 29-18.

Sport 23.10.2005 17:50

Dregið í SS bikarnum

Í dag varð ljóst hvaða lið mætast í 16-liða úrslitum SS-bikarsins í handknattleik karla, en leikirnir fara fram dagana 8. og 9. nóvember næstkomandi. Hér fyrir neðan má sjá liðin sem mætast í 16-liða úrslitum:

Sport 23.10.2005 17:50

Þrír leikir í DHL deildinni

Þrír leikir eru á dagskrá DHL-deildar karla og kvenna í kvöld. í Karlaflokki mætast Haukar og ÍBV á Ásvöllum, en í kvennaflokki mætast HK og Stjarnan í Digranesi og Framstúlkur taka á móti Haukum í Framhúsinu. Allir leikirnir hefjast klukkan 19:15.

Sport 23.10.2005 17:50

Auðveldur sigur Hauka á ÍBV

Haukar unnu auðveldan sigur á ÍBV í DHL-deild karla í handknattleik að Ásvöllum í kvöld, 41-32, eftir að hafa forystu í hálfleik 21-13. Jón Karl Björnsson var markahæstur í liði Hauka og skoraði 10 mörk. Haukar skutust í annað sæti deildarinnar með sigrinum.

Sport 23.10.2005 17:50

KA vann öruggan sigur á Val

KA-menn unnu öruggan sigur á Val í DHL-deild karla í handbolta í kvöld, 33-26, eftir að hafa verið yfir í hálfleik 17-11. Með sigrinum komst KA í annað sæti deildarinnar, en Valur er í þriðja sætinu og á leik til góða.

Sport 23.10.2005 17:50

Guðjón og Alexander í ham

Guðjón Valur Sigurðsson skoraði 13 mörk og Róbert Gunnarsson 2 þegar Gummaersbach vann Concorida 29-23 í þýsku úrvalsdeildinni í handknattleik. Alexsander Petterson skoraði 11 og Einar Hólmgeirsson 5 þegar Grosswallstadt lagði Hamborg á útivelli 37-29. Þá gerðu Göppingen og Düsseldorf jafntefli, 31-31. Jaliecky Garcia skoraði 4 mörk fyrir Göppingen og Markús Máni Micaelsson 3 fyrir Düsseldorf.

Sport 23.10.2005 15:04

Fyrsta tap Skjern í deildinni

Íslendingaliðið Skjern tapaði sínum fyrsta leik í dönsku fyrstu deildinni í handknattleik þegar liðið beið lægri hlut fyrir Holstebro 32-28. Vilhjálmur Halldórsson og Jón Þorbjörn Jóhannesson skoruðu tvö mörk hvor fyrir Skjern en Vignir Svavarsson, sem fékk að líta rauða spjaldið í leiknum, komst ekki á blað.

Sport 23.10.2005 15:04

Haukasigur í Meistaradeildinni

Haukar unnu 3 marka sigur á ítalska liðinu Meran 32-29 Meran í Meistaradeildinni í handbolta nú undir kvöldið en leikið var að Ásvöllum. Haukar voru fjórum mörkum yfir í hálfleik, 15-11 eftir að hafa verið undir á tímabili í fyrri hálfleik.

Sport 23.10.2005 15:05

Haukar yfir í hálfleik gegn Meran

Haukar voru fjórum mörkum yfir í hálfleik, 15-11 gegn ítalska liðinu Meran í Meistaradeildinni í handbolta eftir að hafa verið undir í fyrri hálfleik. Verið var að flauta til síðari hálfleiks en leikið er að Ásvöllum. Jón Karl Björnsson er markahæstur Haukamanna með 7 mörk og Árni Sigtryggsson kemur næstur með 4 mörk.

Sport 23.10.2005 15:05

Naumur sigur Fram á ÍBV

Fram vann á sunnudagskvöld sinn fimmta sigur í jafnmörgum leikjum í DHL-deild karla í handbolta þegar liðið vann nauman sigur á ÍBV, 28-27 í Framhúsinu. Staðan í hálfleik var 14-12 fyrir ÍBV en heimamenn bitu frá sér þrátt fyrir mýmörg sóknarmistök og knúðu fram sigur. Fram er með fullt hús stiga eftir fyrstu fimm leiki sína í deildinni.

Sport 23.10.2005 15:05

Haukar mæta Meran í dag

Haukar mæta í dag ítalska liðinu Meran í Meistaradeildinni í handknattleik, en bæði lið hafa tapað báðum leikjum sínum í keppninni til þessa. Haukar ætla sér þriðja sætið í riðlinum en það gefur sæti í þriðju umferð í Evrópukeppni félagsliða. Leikur liðanna í dag verður sýndur beint á Sýn klukkan fimm.

Sport 23.10.2005 15:04

Fyrsti sigur FH í DHL deildinni

FH vann sinn fyrsta sigur í DHL-deild karla í handbolta í kvöld þegar KA var lagt að velli í Kaplakrika, 25-27. FH er þó enn neðst en nú með 2 stig, einu stigi á eftir Víkingi/Fjölni og HK sem eru fyrir ofan með 3 stig hvor. Afturelding vann óvæntan sigur á ÍR, 30:26 og þá unnu Selfyssingar 8 marka útisigur á Víking/Fjölni, 22-30.

Sport 23.10.2005 15:04

Valur vann Fylki

Valsmenn unnu góðan sigur á Fylki í DHL-deild karla í handknattleik í kvöld, eftir að staðan hafði verið 13-12 fyrir heimamenn í hálfleik. Mohamadi Loutoufi skoraði 10 mörk fyrir Val, en Arnar Þór Sævarsson var atkvæðamestur hjá Fylki með 7 mörk.

Sport 23.10.2005 15:04

HK sigraði Þór

HK vann góðan sigur á Þór frá Akureyri í Digranesi í kvöld, 32-26. Valdimar Þórsson var markahæstur hjá heimamönnum með 13 mörk, þar af 9 úr vítaköstum, en hjá Þórsurum var Rúnar Sigtryggsson markahæstur með 9 mörk.

Sport 23.10.2005 15:04

Mourinho vill ekki Andrade

Jose Mourinho hefur vísað því á bug að Chelsea sé á höttunum eftir portúgalska varnarmanninum Jorge Andrade í janúar og hellti sér yfir blaðamenn sem spurðu hann út í málið.

Sport 23.10.2005 15:04

Þrír nýliðar í hópnum hjá Viggó

Viggó Sigurðsson landsliðsþjálfari Íslands í handknattleik hefur valið landsliðshópinn sem tekur þátt í æfingamótinu í Póllandi síðar í þessum mánuði. Liðið fer fyrst í æfingabúðir til Magdeburg og leikur þvínæst við Pólverja, Dani og Norðmenn.

Sport 23.10.2005 15:04

Unnu Slóvakíu með þremur mörkum

Íslenska kvennalandsliðið í handknattleik sigraði Slóvakíu með 35 mörkum gegn 32 á æfingamóti sem hófst í Hollandi í gær. Slóvakar höfðu sex marka forystu í hálfleik , 19 - 13.>

Sport 23.10.2005 18:59

Valur lagði FH

Valsmenn unnu dramatískan sigur á FHingum í Kaplakrika í DHL-deild karla í handbolta í kvöld, en það var Baldvin Þorsteinsson sem skoraði sigurmark Vals úr vítakasti þegar leiktíminn var liðinn, lokastaðan 29-28.>

Sport 23.10.2005 18:59

Valur mætir Skövde

Í dag var dregið í Evrópukeppnunum  í handbolta. Valur mætir sænska liðinu Skövde í Evrópukeppni félagsliða, KA fær Mamuli Tblisi frá Georgíu og kvennalið Hauka mætir króatíska liðinu Podravka Koprivnica.

Sport 23.10.2005 15:03

Aðalsteinn svekktur og sár

Kvennalið Stjörnunnar féll úr leik í Áskorendakeppni Evrópu í gær með því að tapa með sex marka mun, 27-33, fyrir tyrkneska liðinu Anadolu University. Fimm marka sigur Stjörnunnar í fyrri leiknum dugði ekki til.

Sport 23.10.2005 15:03