Listalistinn - börnin heim

Nýtt stjórnmálaafl býður sig fram til bæjarstjórnar í nýsameinuðu sveitarfélagi á Héraði. Framboðinu hefur verið gefið nafnið Listalistinn - börnin heim. Fram kemur í Austurglugganum að hreyfingunni sé einkum ætlað að skapa aðstöðu fyrir ungt fólk úr héraðinu sem hefur menntað sig í listum svo að það geti snúið aftur heim og starfað þar. Ennfremur setja forsvarsmenn framboðsins fræðslumál á oddinn og setja stefnuna á formennsku í menningarmálanefnd. Gengið verður til kosninga 16. október.