Æskubrunnurinn kollagen

KYNNING: Fyrirtækið Ankra var stofnað árið 2013 í kringum alveg nýja hugsun þegar kemur að heilbrigði húðar. Ankra notar einstök virk efni úr hafinu í kringum Ísland, ekki einungis í hágæða húðvörum heldur einnig til inntöku, sem saman vinna bæði að innan sem utan að bættu útliti og líðan.

Markmið Ankra er að styðja sjálfbæra þróun og leggja sitt af mörkum til að auka verðmæti íslenskra sjávar­afurða og skapa atvinnu á Íslandi. Aðeins er notað fyrsta flokks hráefni í vörur Ankra en þær eru þróaðar úr lífríki Atlantshafsins og eru án skaðlegra aukaefna en troðfullar af kollageni sem er eitt mikilvægasta byggingarefni mannslíkamans.

„Kollagen er hluti af því sem byggir upp brjósk í líkamanum, til dæmis í hnjám,“ segir Þorbjörg Hafsteinsdóttir, hjúkrunarfræðingur og næringarþerapisti, sem tekur að sér einkatíma. „Margir kannast við verki í hnjám og mjöðmum og víðar í líkamanum þar sem brjósk og liðir eru. Þessir verkir geta stafað af því að það vanti byggingarefni í brjóskið, öðru nafni kollagen. Þessar flottu stelpur hjá Ankra eru búnar að hanna mjög mikilvæga línu úr roðinu af íslenskum fiski sem er fullt af kollageni.“

Ný og betri hné

Þorbjörg kynntist vörunum fyrst fyrir einu og hálfu ári, um það leyti sem þær komu á markað. „Ég hef mikinn áhuga á öllu því sem viðkemur hreysti og heilsu og getur gert okkur ljómandi og yngt okkur upp. Þar af leiðandi er ég mikil áhugamanneskja um það sem getur byggt upp okkar eigin kollagenframleiðslu í líkamanum. Þegar nóg er af kollageni í húðinni fær húðin þessa náttúrulegu fyllingu og ljóma. Með aldrinum minnkar kollagenið í húðinni og hún verður slappari og virkar kannski eldri en hún annars myndi gera.“ Þorbjörg hefur tekið Amino Marine kollagenið síðan og hefur af því mjög góða reynslu.

„Ég hef til dæmis átt í smá vandræðum með hnén á mér. Ég hreyfi mig mjög mikið og hef gert í mörg ár, það er í mínum lífsstíl að ganga, hlaupa, synda og lyfta. Ég var mikill hlaupari hér áður fyrr og eyðilagði eiginlega hnén á mér á því. Ég fór í aðgerð fyrir fjórum árum sem tókst ekkert rosalega vel svo ég gat ekkert treyst á hnéð og hlaupið úti í náttúrunni sem er eitt af því sem mér finnst best í heiminum.“ Þorbjörg fann mikinn mun á sér skömmu eftir að hún byrjaði að taka Amino Marine.

„Eftir þrjá mánuði fór ég að finna fyrir mjög miklum breytingum. Áður vissi ég aldrei hvenær hnéð myndi gefa sig og mig færi að verkja. En núna get ég hlaupið. Ég hleyp hæglega mína tíu kílómetra á víðavangi og finn ekkert til. Ég er nýbúin í átta daga göngu um Strandir, gekk Fimmvörðuháls um daginn og ég er sannfærð um að það er að einhverju leyti kollageninu að þakka. Ég er búin að endurheimta mikilvægan hluta af mínum lífsgæðum.“

Kollagen kemur fólki á fjöll

Þorbjörg bendir á að með aldrinum fer ýmislegt að gefa sig í líkamanum og þá er mikilvægt að fólk sé meðvitað um mataræði og bætiefni. „Þegar maður er kominn á minn aldur fer ýmislegt að gefa sig í líkamanum og ég sé það á jafnöldrum í kringum mig. Sjálf er ég mjög ánægð með það sem ég fæ áorkað miðað við aldur. Í minni daglegu rútínu borða ég vel af alvöru mat og ekki neitt sem getur skapað bólgur sem setjast í liðina. Kollagenið er orðið hluti af minni fyrirbyggingu og ég ætla að ganga á fjöll þangað til ég verð níræð ef guð lofar, með kollagenið í vasanum.“

Kollagen viðheldur raka í húðinni

Þorbjörg viðurkennir líka fúslega að útlitið skipti hana máli. „Ég vil líta vel út og skammast mín ekkert fyrir það. Ég nota bæði hylkin Age Rewind Skin Therapy og Be Kind Age Rewind-serumið til að byggja upp kollagenið í húðinni. Í hylkjunum er líka hyaluron-sýra sem er líka styðjandi fyrir liðamótin, smyr þau og viðheldur rakanum og bindur vökvann sem gefur þessa náttúrulegu fyllingu í húðinni. Það er alls konar bónus sem fylgir hyaluron-sýrunni og svo má ekki gleyma að allt sem er gott fyrir liðamót er líka gott fyrir húð. Serumið er kannski ekki gott fyrir liðamótin en það nær vel inn undir húðina og gefur henni raka. Eitt af því sem ég legg áherslu á í mínum fræðum er að nota raka, að vörurnar fari inn í húðina og hjálpi henni að endurnýja sig og Be Kind Age Rewind-serumið er svo sannarlega góður bandamaður í þeirri baráttu,“ segir Þorbjörg Hafsteinsdóttir að lokum. Þorbjörg býður bæði upp á námskeið og einkatíma i næringar- og lífsstílsráðgjöf en hægt er að fá nánari upplýsingar í gegnum netfangið [email protected].

Ljúffengur drykkur

Uppskrift frá Þorbjörgu að góðum drykk þar sem kollagenduftið kemur við sögu

1-2 dl sykurlaus möndlu- eða kókosmjólk

1 dl granateplasafi

1 mæliskeið Feel Iceland Coll­agen duft

½ tsk. kanelduft

1/6 tsk. vanilluduft

¼ banani

150-200 g frosin jarðarber eða íslensk ber.

Allt er sett í blandarann og keyrt í 1-2 mín.

Kollagenvörurnar frá Ankra fást í helstu apótekum og heilsuvöruverslunum nema andlits-serumið sem fæst í Systraseli, Madison Ilmhúsi og Gló. Nánari upplýsingar á ankra.is