Framleiða gæludýrafóður með vísindin að vopni

„Sem vísindamaður beiti ég gagnrýninni hugsun á alla hluti og er skeptískur á alhæfingar. Það sem kveikti áhuga minn á að vinna með Royal Canin var sú vísindalega þekking sem liggur að baki framleiðslunni á fóðrinu. Það eru ekki mörg fyrirtæki í heiminum sem geta vísað til fimmtíu ára sögu rannsókna eins og Royal Canin getur gert,“ segir Steinar B. Aðalbjörnsson, matvæla- og næringarfræðingur og markaðs- og sölustjóri Dýrheima, dreifingaraðila Royal Canin á Íslandi.

Steinar segir áhugavert hvernig við mannfólkið yfirfærum eigið mataræði á gæludýrin og þá sérstaklega hunda. Skoða megi tískubylgjur í mataræði manna áratugi aftur í tímann og sjá sama munstur birtast eilítið síðar í framleiðslu og markaðssetningu á hundamat.

„Það eru um það bil tíu ár síðan umræðan um hráfæði fór á flug hjá okkur mannfólkinu og fyrir u.þ.b. sex árum fór sú umræða einnig af stað í tengslum við fóðrun hunda. Umræðan um lágkolvetnamataræði hefur verið fyrirferðamikil undanfarin ár, þar sem fólk sneiðir hjá hveiti og kornvörum ríkum af kolvetnum, og nú er farið að framleiða kornlaust eða „grain-free“ fóður fyrir hunda,“ útskýrir Steinar. Enda sé hundurinn náinn manninum, hafi fylgt honum hvert fótmál í langan tíma, þróast sem húsdýr og því ekki skrítið að fólk telji að sami matur passi fyrir báðar tegundir. Sami matseðill eigi þó ekki endilega við fyrir hund og mann.

„Það er margt líkt í meltingarferli hunda og manna en það eru þó grundvallaratriði sem aðskilja okkur. Mannfólk tyggur matinn og ensím í munnvatninu brjóta matinn niður. Hjá hundum og einnig köttum fer hins vegar lítil sem engin formelting fram í munni heldur bíta dýrin í matinn og gleypa hann oft lítið breyttan; tyggja matinn því ekki í eiginlegri merkingu. Magasýrur hunda og katta eru síðan margfalt sterkari en hjá mönnum og drepa flest kvikt sem lendir í maganum. Því þarf sjaldnast að hafa áhyggjur af því þegar hundar éta kúk annarra dýra,“ segir Steinar kíminn.

„Eftir að maganum sleppir er meltingarvegur hunda og katta styttri en hjá mönnum og í heildina rúllar allt töluvert hraðar í gegn en hjá mannfólki, þó svo að einhverjir hlutar meltingarvegar hunda og katta geti verið hægari,“ útskýrir Steinar. Hann undirstrikar að fóðrun spili þó stórt hlutverk í heilbrigði gæludýra, rétt eins og hjá mönnum. Royal Canin taki tillit til ólíkra þátta mismunandi tegunda við samsetningu fóðurs.

„Það þarf að taka tillit til ansi margra hluta, þess sem einkennir hverja stærð af dýri, hverja tegund fyrir sig og þess sem gerist þegar dýrin eldast,“ segir Steinar. „Sem dæmi eiga margir kettir við nýrnavandamál að etja, einkum með hækkandi aldri. Fóðurfræðingar Royal Canin minnka magn ákveðinna efna, eins og fosfórs, í fóðri katta svo nýrnasteinar myndist síður. Fyrir þá ketti sem hafa fengið nýrnasteina er búið til annað fóður sem inniheldur til dæmis minna af próteinum og ákveðnum steinefnum sem minnkar álagið á nýrun og gerir það að verkum að kettinum líður betur og getur þar með lifað lengur við góða heilsu,“ segir Steinar og tínir til fleiri dæmi um hönnun fóðurs hjá Royal Canin.

„Tannheilsu smáhunda hrakar hratt með aldri og fyrir þá er framleitt fóður sem gerir munnvatnið hlutlausara svo tannsteinn myndist síður, auk þess sem fóðurkúlurnar eru þannig að lögun að þær bursta eða skrapa tennurnar þegar hundurinn bítur í gegnum þær og hjálpa þannig til við að minnka tannsteinsmyndun. Stórir hundar eiga gjarnan við liðvandamál að etja og Royal Canin framleiðir orkuminna fóður svo hundarnir fitni síður og fóður sem stuðlar að því að liðbrjósk eyðist síður. Stórir hundar eru einnig gjarnir á að gleypa matinn í sig og fyrir þá eru framleiddar fóðurkúlur sem eru sérstakar að lögun til að hægja á áti hundsins. Hundar af tegundinni Labrador eru þekktir matartætarar og nánast gleypa matinn í einni svipan – sumir segja að þeir andi matnum að sér! Því getur verið hentugt að gefa þeim ekki Maxi Adult fóðrið, sem hentar þeim þó mjög vel út frá næringarfræðilegu sjónarhorni, heldur gefa þeim frekar fóðurkúlurnar sem hægja á þeim þegar þeir nærast,“ útskýrir Steinar.

„Hér má sjá myndbönd sem sýna annars vegar þegar Labrador étur Maxi Adult fóðrið okkar sem er mjög gott fóður á allan hátt og hins vegar þegar Labrador étur Breed fóðrið sem hefur verið hannað þannig að hann hægi á sér í átinu.“

Annað gott dæmi um vísindalega nálgun við samsetningu fóðurs er sérstakt fóður ætlað Schnauzer hundum en líkt og köttum þá er þeim hætt við nýrnavandamálu, þar með talið nýrnasteinum.

„Í fóðrinu, sem hannað er sérstaklega fyrir Schnauzer hunda, er minna af steinefnum svo álagið á nýrun minnkar. Vatnsdrykkja hjálpar nýrum að vinna en Schnauzer hundar eru latir að drekka. Royal Canin hefur séð við þessu og setur örlítið meira salt í fóðrið þeirra, en ekki svo mikið að það hafi áhrif á blóðþrýsting, heldur gerir fóðrið hundana þyrsta svo þeir drekka frekar.

Svo vorum við að fá nýtt fóður séstaklega fyrir Bengal kattategundina. Bengal kettir eru þekktir fyrir hvað þeir eru sterkir og fljótir og því mikilvægt að þeir haldi í vöðvamassa sinn. Því er hlutfall próteina og fitu með þeim hætti að það stuðlar að heilbrigðum vöðvamassa. Sömuleiðis er feldurinn þeirra mjög fallegur ef hann er heilbrigður. Til þess að aðstoða Bengalinn við feldhirðuna þá er góð blanda af ómega-3 og ómega-6 fitusýrum sem einmitt styrkja varnir húðarinnar og gera feldinn glansandi fallegan!

Það er allt þetta sem gerir framleiðsluna svo einstaka hjá Royal Canin. Það er hægt að básúna sitthvað um alhliða lausnir í hinu og þessu en þegar kemur að spurningunum hvort hlutirnir virki í raun og hvernig þeir virki, þá eru öll fræðin á hreinu hjá Royal Canin, studd af niðurstöðum vísindarannsókna.“