Fótbolti

Fiorentina jafnaði Roma og Atalanta að stigum

Runólfur Trausti Þórhallsson skrifar
Nicolas Gonzalez kom Fiorentina yfir.
Nicolas Gonzalez kom Fiorentina yfir. EPA-EFE/CLAUDIO GIOVANNINI

Fiorentina vann 2-0 sigur á Roma í eina leik kvöldsins í Serie A, ítölsku úrvalsdeildinni í fótbolta. Fiorentina jafnar þar með bæði Roma og Atlanta að stigum í baráttunni um 6. sæti deildarinnar en að gefur þátttökurétt í Evrópudeildinni á næstu leiktíð.

Fiorentina gerði í raun út um leikinn snemma leiks en liðið skoraði tvívegis á fyrstu 11 mínútum leiksins. Nicolas Gonzalez kom heimamönnum yfir með marki úr vítaspyrnu eftir aðeins fimm mínútna leik.

Giacomo Bonaventura kom Fiorentina 2-0 yfir aðeins sex mínútum síðar og þar með var leik í raun lokið. Rómverjar náðu lítið að ógna marki heimaliðsins og lauk leiknum með 2-0 sigri Fiorentina.

Var þetta fjórði leikur Roma í röð án sigurs en Fiorentina hafði fyrir leik kvöldsins tapað þremur í röð. Roma heldur 6. sætinu á markatölu en bæði lið – líkt og Atalanta – eru með 59 stig þegar tvær umferðir eru eftir af Serie A.

Liðið í 6. sæti fer í Evrópudeildina á meðan liðið í 7. sæti fer í Sambandsdeildina.

Serie A er hluti af Stöð 2 Sport Erlent sem kostar 3.990 kr. á mánuði. Upplýsingar um beinar útsendingar frá ítalska boltanum má finna hér.

Fótbolti Ítalski boltinn

Mest lesið


Fleiri fréttir

Sjá meira


×

Mest lesið