Kennaraverkfall

Garðabær athugar tilraunasamning

Garðabær hefur í skoðun hvort hægt sé að gera tilraunasamning um skólastarf bæjarins. Grunnskólakennarar hræðast að deilan fari í gerðardóm og niðurstaðan verði litlu betri, jafnvel verri en miðlunartillaga ríkissáttasemjara. </font /></b />

Innlent 13.10.2005 14:59

Uppsagnir kennara

Fimm af níu kennurum grunnskólans á Hólmavík hafa sagt upp störfum sem og allir fimmtán kennarar grunnskóla Fáskrúðsfjarðar. Skólastjórar skólanna segja að líta megi á uppsagnirnar sem þrýstiaðgerðir. Kennurum sé þó full alvara.

Innlent 13.10.2005 14:59

Eiga 360 milljónir í sjóðnum

Hver klukkustund í verkfalli grunnskólakennara kostaði vinnudeilusjóð Kennarasambands Íslands hálfa milljón króna. Um 380 milljónir eru í verkfallsjóðnum.

Innlent 13.10.2005 14:59

Kennsla með öllum tiltækum ráðum

Kennsla á að fara fram í öllum skólum í Reykjavík í dag. Fræðsluráð Reykjavíkur sendi skólastjórum boð um þetta í gær. Stefán Jón Hafstein, formaður fræðsluráðs, segir að tíðindi gærkvöldsins bendi til þess að ástand í skólunum verði betra í dag en í gær, þegar aðeins um fimmtán prósent kennara mættu til starfa og kennsla féll víða niður.

Innlent 13.10.2005 14:59

Setið um vel launuð störf

Erfiðlega gæti gengið að fá vinnu fyrir þá kennara sem vilja skipta um starfsvettvang. "Vinnumarkaðurinn er þungur," segir Gunnar Richardsson, deildarstjóri vinnumiðlunarsviðs hjá Svæðisvinnumiðlun höfuðborgarsvæðisins.

Innlent 13.10.2005 14:59

Örvænting hjá kennurum

Kristján Þór Júlíusson, bæjarstjóri á Akureyri, er svartsýnn á að árangur náist í kennaradeilunni í dag. "Þetta mál er komið í ákveðinn farveg. Það er grábölvað að til þessa hafi þurft að koma en ég held að engum blandist hugur um að þetta var í rauninni óhjákvæmilegt. Ég held að það hafi verið fullreynt að ná samkomulagi," segir hann.

Innlent 13.10.2005 14:59

Vika nægur tími

Birgir Björn Sigurjónsson, formaður samninganefndar sveitarfélaga, telur að vikufrestur eigi að vera nægur tími til að ná samningum við kennara. "Ég vil að við notum þennan frest til að reyna að leysa þetta án þess að það þurfi að koma til gerðardóms."

Innlent 13.10.2005 14:59

Allir fari að lögum

"Mér finnst náttúrlega að allir borgarar landsins verði að fara eftir lögum," segir Guðmundur Halldórsson, heiðursfélagi og fyrrverandi formaður smábátafélagsins Eldingar á Vestfjörðum, um fjarvistir kennara frá vinnu í gær í kjölfar lagasetningar sem sett var á verkfall þeirra.

Innlent 13.10.2005 14:59

Fyrsta lota í lokaviku viðræðna

Ríkissáttasemjari segir að fyrsta lota í síðustu viku viðræðna samninganefnda kennara og sveitarfélaganna snúist um að reyna að ná einhverri niðustöðu um heildarsamning.

Innlent 13.10.2005 14:59

Engin aukastörf

Kennarar Grunnskólans í Borgarnesi hafa ákveðið að mæta til vinnu í dag eins og þeir höfðu verið beðnir um þó að umræddur dagur sé frídagur samkvæmt skóladagatali. Þeir hafna hins vegar allri málaleitan skólastjórnenda um aukið vinnuframlag og munu ekki taka að sér nein aukastörf meðan kjör þeirra eru óráðin.

Innlent 13.10.2005 14:59

Kennarar fari að lögum

Halldór Ásgrímsson, forsætisráðherra sagði á Alþingi í gær að hann vænti þess að kennarar fari að lögum: "Það kann vel að vera að mörgum líki ekki sá rammi sem Alþingi hefur sett um málið en það er nauðsynlegt að allir virði lögin."

Innlent 13.10.2005 14:59

Ástæður verða að vera mjög brýnar

Þótt stjórnvöld hafi oft gripið inn í kjaradeilur með lögum eru lögin á kennaraverkfallið einstök. Ríkar ástæður þurfa að búa að baki slíkri lagasetningu og álitamál er hvort þær séu fyrir hendi nú

Innlent 17.10.2005 23:41

Fá bæturnar greiddar

Úrskurðarnefnd atvinnuleysisbóta felldi úr gildi ákvörðun úthlutunarnefndar um niðurfellingu bóta til atvinnulausra kennara. Kennurunum hafði verið gert að sækja bætur í vinnudeilusjóð kennara þrátt fyrir að hafa ekki starfað við kennslu þegar verkfallið hófst.

Innlent 13.10.2005 14:59

Ekki brugðist við forfalli kennara

Fjórir af tæplega þrjátíu kennurum mættu til starfa í Réttarholtsskóla í gær. Hilmar Hilmarsson skólastjóri segir kennara hafa tilkynnt veikindi.

Innlent 13.10.2005 14:59

Dræmt hljóðið í gærkvöldi

Kennarar trúðu á lausn en hljóðið í fulltrúum sveitarfélaga var heldur dræmara fyrir samningafundinn í gærkvöldi. Fulltrúar launanefndar sveitarfélaga og borgar- og bæjaryfirvalda bættust á fundinn rétt fyrir miðnætti en vildu þó ekki meina að lausn væri í sjónmáli. </font /></b />

Innlent 13.10.2005 14:59

Óvissa í skólastarfinu

Samninganefnd sveitarfélaga samþykkti 130 þúsund króna eingreiðslu til kennara í gær. Hugsanlegt er að börn verði send heim úr skólum í dag. Samningafundur hefur verið boðaður klukkan 10.

Innlent 13.10.2005 14:59

Vill halda í bjartsýnina

Gunnar Rafn Sigurbjörnsson, formaður launanefndar sveitarfélaganna, er ekki úrkula vonar um að kennarar og sveitarfélög nái að semja um kaup og kjör. Samkvæmt lögum sem samþykkt voru á Alþingi á laugardag kemur gerðardómur saman laugardaginn 20. nóvember.

Innlent 13.10.2005 14:59

Bæjarráð fjalli um deiluna

Bæjarfulltrúar Samfylkingarinnar í Kópavogi hafa farið fram á fund í bæjarráði til að fjalla um kennaradeiluna.

Innlent 13.10.2005 14:58

Vilja 130 þúsund í eingreiðslu

Kennarar ætla að fara fram á 130 þúsund króna eingreiðslu og 5,5 prósenta kauphækkun nú þegar til að skapa frið á meðal kennara. Samningafundur hefur verið boðaður í kvöld.

Innlent 13.10.2005 14:59

Lög á kennaradeilu samþykkt

Frumvarp til laga um kjaramál kennara og skólastjórnenda í grunnskólum, með áorðnum breytingum var samþykkt á Alþingi rétt eftir hádegi í dag. Samkvæmt lögunum verður gerðardómur skipaður til að leysa kjaradeilu kennara, náist ekki samkomulag við Launanefnd sveitarfélaga fyrir 20. nóvember. <font size="4"></font>

Innlent 13.10.2005 14:58

Verkfall kennara bannað með lögum

Halldór Ásgrímsson, forsætisráðherra lagði í gær fram frumvarp á Alþingi sem gerir ráð fyrir því að nærri 7 vikna löngu verkfalli kennara verði bannað þannig að kennsla í grunnskólum geti hafist á mánudag. Alþingi lögfestir frumvarpið væntanlega í dag.

Innlent 13.10.2005 14:58

ASÍ á móti lagasetningu

Alþýðusamband Íslands er algerlega á móti lagasetningu á kennaraverkfallið. Grétar Þorsteinsson, forseti ASÍ, sagði í samtali við fréttastofu að það hafi sýnt sig að eftirmál lagasetninga á vinnudeilur séu verri en allir aðrir kostir. Þetta þekki sambandið vel í tengslum við kjaradeilu sjómanna.

Innlent 13.10.2005 14:57

Lagasetning ekki tilkynnt í dag

Ekkert verður tilkynnt um lagasetningu á kennaraverkfallið í dag. Áður en tilkynnt verður um hugsanlegar aðgerðir ríkisstjórnarinnar vegna verkfallsins mun forsætisráðherra meðal annars ræða málið innan þingflokkanna, við fulltrúa ASÍ og Samtök atvinnulífsins.

Innlent 13.10.2005 14:57

Koma ekki að kennaradeilunni

"Við eigum enga aðkomu og ekkert tilefni til að eiga aðkomu að kennaradeilunni. Það er viðfangsefni samningsaðila," segir Grétar Þorsteinsson, forseti Alþýðusambands Íslands.

Innlent 13.10.2005 14:58

Kennaradeilan í gerðardóm

Ríkisstjórnin leggur í dag fram frumvarp á Alþingi um að kjaradeilu kennara og sveitarfélaganna verði vísað í gerðardóm. Þetta hefur Fréttablaðið eftir áreiðanlegum heimildum.

Innlent 13.10.2005 14:58

Getum ekki samþykkt gerðardóm

"Við erum ekki að bíða eftir lögum á verkfall kennara en á þessum tímapunkti gerist ekki neitt á meðan ríkisstjórnin tekur ákvörðun um lagasetningu," segir Gunnar Rafn Sigurbjörnsson, formaður launanefndar sveitarfélaganna.

Innlent 13.10.2005 14:58

Skipbrot viðræðna

"Það kann að vera að ef menn geti einhverntímann haft skilning á lagasetningu þá séu þær aðstæður uppi," segir Ari Edwald, framkvæmdastjóri Samtaka atvinnulífsins.

Innlent 13.10.2005 14:58

Lausn til framtíðar

Heimili og skóli - landssamtök foreldra gera sér grein fyrir að nauðsynlegt geti orðið að setja lög á verkfall kennara, segir Elín Thorarensen framkvæmdastjóri.

Innlent 13.10.2005 14:58

Þekkingarleysi á skólastarfi

"Ef það verður niðurstaðan að ríkisstjórnin fer í lagasetningu þá munu þeir væntanlega keyra hana í gegn um helgina með það að markmiði að opna skólana á mánudaginn," segir Eiríkur Jónsson, formaður Kennarasambands Íslands.

Innlent 13.10.2005 14:58

Lög sett á verkfallið

Lög verða sett á kennaraverkfallið og skipaður einhverskonar gerðardómur um kjör kennara, samkvæmt heimildum Stöðvar 2. Þing verður væntanlega kallað saman á morgun þar sem fjallað verður um lagafrumvarpið. Kennsla gæti því hafist á nýjan leik í grunnskólum landsins strax í byrjun næstu viku.

Innlent 13.10.2005 14:57