Alfreð vill enn Þórólf

Alfreð Þorsteinsson, oddviti Framsóknarmanna í borgarstjórn, segir fréttir um afskipti Þórólfs Árnasonar borgarstjóra af samráði olíufélaganna engu breyta í mati sínu á því að Þórólfur eigi að taka að sér að verða pólitískur leiðtogi R-listans í næstu sveitarstjórnarkosningum. Hann segir að þær skýringar sem Þórólfur gaf þeim í fyrra á þátttöku sinni í samráði olíufélaganna séu enn fullnægjandi. Ekkert nýtt hafi komið fram nú að undanförnu sem breytir mati hans á því.