Ákvörðun tekin fyrir jól

Hæstiréttur mun taka ákvörðun fyrir jól um hvort gefið verði leyfi til að áfrýja dómi Héraðsdóms Reykjaness þar sem refsingu manns var frestað en hann beitti eiginkonu sína ofbeldi. Í málum þar sem refsingu er frestað verður ekki áfrýjað nema með leyfi Hæstaréttar. Dómarinn ákvað að fresta refsingu í ljósi aðstæðna og atvika sem meðal annars voru þau að maðurinn hafi lagt hendur á konuna í mikilli bræði og segir í dómnum að gögn málsins hnígi frekar að því að konan kunni að hafa valdið bræðinni.