Mótmælir harðlega frumvarpi um breytingar á lögum um dómstóla

Aðalfundur Blaðamannafélags Íslands samþykkti einróma á fundi sínum í kvöld harðorða ályktun vegna frumvarps dómsmálaráðherra um breytingar á lögum um dómstóla.

Ályktunin hljóðar svo: „Aðalfundur Blaðamannafélags Íslands, haldinn 19. apríl 2006, mótmælir harðlega fyrirætlunum um að þrengja starfsskilyrði blaðamanna sem fram koma í frumvarpi til laga um breytingar á lögum til dómstóla. Fundurinn varar við þróun í þá átt að takmarka upplýsingar til almennings um opinber mál."