Golf

Fréttir og úrslit úr heimi golfsins.

Mickelson reyndi við 123 milljóna kr. golfhögg á NFL leik | myndband

Bandaríski kylfingurinn Phil Mickelson reyndi sig við óvenjulegt golfhögg á mánudaginn þar sem að San Diego Chargers og Denver Broncos mættust í NFL deildinni. Mickelson fékk eina tilraun til þess að slá golbolta í skotmark af um 90 metra færi á fótboltavellinum. Og ef höggið heppnaðist ætlaði KPMG fyrirtækið að gefa 123 milljónir kr. sem góðgerðafélagið FirstBook nyti góðs af.

Golf 16. október 2012 13:45

Jonas Blixt fagnaði sínum fyrsta sigri á PGA mótaröðinni

Sænski kylfingurinn Jonas Blixt landaði sínum fyrsta sigri á bandarísku PGA mótaröðinni í golfi í gærkvöld. Hinn 28 ára gamli Blixt stóð uppi sem sigurvegari á Frys.com meistaramótinu þar sem hann lék samtals á 16 höggum undir pari en hann er þriðji nýliðinn á mótaröðinni sem vinnur PGA mót á þessu tímabili. Með sigrinum tryggði Blixt sér keppnisrétt á PGA mótaröðinni út keppnistímabilið 2014 og hann fékk að auki 110 milljónir kr. í verðlaunafé fyrir sigurinn.

Golf 15. október 2012 11:00

Justin Rose fyrsti "heimsmeistarinn" í golfi

Justin Rose tryggði sér sigur á World Golf Final mótinu í Tyrklandi með því að vinna Lee Westwood í úrslitaleik. Þetta er í fyrsta sinn sem svona mót fer fram í lok tímabilsins en þangað var boðið átta af bestu kylfingum heims.

Golf 12. október 2012 17:45

Golf landsliðið lék vel í Tyrklandi

Íslenska karlalandsliðið í golfi stóð sig vel á heimsmeistaramótinu sem lauk i dag í Tyrklandi. Liðið hafnaði í 28. til 32. sæti á tveimur höggum yfir pari en alls tóku 72 þjóðir þátt í mótinu.

Golf 7. október 2012 13:56

Phelps setti niður 50 metra pútt - myndband

Gulldrengurinn Michael Phelps er ekki bara góður í sundi. Hann er líka liðtækur golfari og setti niður algjörlega ótrúlegt pútt á Dunhill Links-mótinu sem fram fer í St. Andrews í Skotlandi.

Golf 6. október 2012 19:00

Strákunum tókst ekki að klára leik fyrir myrkur

Íslenska karlalandsliðið í golfi sem skipað er þeim Axel Bóassyni GK, Haraldi Franklín Magnús GR og Rúnari Arnórssyni GK, náði ekki að ljúka leik í dag fyrir myrkur á öðrum hring á Heimsmeistaramóti áhugamanna í golfi sem fram fer í Antalya í Tyrklandi.

Golf 5. október 2012 18:33

Axel lék best íslensku kylfinganna á fyrsta hring í Tyrklandi

Íslenska karlalandsliðið í golfi sem skipað er þeim Axel Bóassyni GK, Haraldi Franklín Magnús GR og Rúnari Arnórssyni GK, hefur leikið fyrsta hringinn af fjórum á Heimsmeistaramóti áhugamanna í golfi sem fram fer í Antalya í Tyrklandi.

Golf 4. október 2012 16:54

Á brattann að sækja hjá nöfnunum í Englandi

Kylfingarnir Ólafur Björn Loftsson og Ólafur Már Sigurðsson fóru ekki vel af stað á fyrsta hring á fyrsta stigi úrtökumótanna fyrir Evrópumótaröðina í gær.

Golf 3. október 2012 09:30

Ísland endaði í 36. sæti á HM í golfi kvenna | Kórea varði titilinn

Íslenska kvennalandsliðið í golfi endaði í 36. sæti á heimsmeistaramóti áhugamanna sem lauk í Tyrklandi um helgina. Suður-Kórea fagnaði heimsmeistaratitlinum og varði þar með titilinn frá því í Argentínu fyrir tveimur árum. Kórea endaði samtals á 13 höggum undir pari, Þýskaland varð í öðru sæti á -10. Finnar og Ástralar deildu þriðja sætinu á -9. Ísland lék samtals á 29 höggum yfir pari.

Golf 1. október 2012 11:00

Evrópa hélt Ryder-bikarnum eftir ótrúlega endurkomu

Evrópa vann í dag ótrúlegan sigur í Ryder-bikarkeppninni í golfi. Keppnislið Evrópu fékk fjórtán og hálfan vinning og vann því bandaríska liðið með minnsta mun.

Golf 30. september 2012 22:34

Poulter hélt vonum Evrópubúa á lífi

Bandaríkin er með fjóra vinninga í forskot á það evrópska fyrir lokakeppnisdaginn í Ryder-bikarkeppninni í golfi. Hvort lið vann tvo vinninga í fjórleik í kvöld.

Golf 29. september 2012 23:59

Ísland í 39. sæti fyrir lokadaginn

HM kvenna stendur nú yfir í Tyrklandi og situr Ísland í 39. sæti af 53 keppnisþjóðum að loknum þremur keppnisdögum. Fjórði og síðasti hringurinn verður leikinn á morgun.

Golf 29. september 2012 12:51

Tiger "á bekknum“ í fyrsta sinn á ferlinum

Davis Love þriðji, fyrirliði bandaríska Ryder-liðsins í golfi, tók þá ákvörðun að hvíla Tiger Woods í fyrri keppni dagsins. Það er í fyrsta sinn á ferli Tigers að hann er settur "á bekkinn“ í þessari keppni.

Golf 29. september 2012 08:52

Ryder-keppnin í golfi | Bandaríkin í góðri stöðu

Fyrsti dagur Ryder-keppninnar í golfi er liðinn og það eru Bandaríkjamenn sem leiða, 5-3, eftir skemmtilegan dag. Í þessari keppni mætast Bandaríkin og úrvalslið Evrópu.

Golf 28. september 2012 23:17

Birgir Leifur komst áfram

Birgir Leifur Hafþórsson tryggði sér í morgun þátttökurétt á öðru stigi úrtökumótaraðarinnar fyrir Evrópumótaröðina í golfi.

Golf 28. september 2012 13:19

Niðurröðun klár fyrir fyrstu umferð Ryder-keppninnar

Fyrirliðarnir í Ryderbikarnum í golfi hafa tilkynnt hvaða kylfingar mætast í fyrstu umferð keppninnar sem hefst í dag á Medinah vellinum í Chicago. Evrópa hefur titil að verja í þessari keppni og ríkir mikil eftirvænting fyrir viðureignina. Í fyrstu umferðinni er leikinn fjórmenningur þar sem að liðsfélagarnir leika einum bolta til skiptis.

Golf 28. september 2012 10:45

Mikið í húfi hjá Birgi á lokadeginum á Ítalíu

Birgir Leifur Hafþórsson náði sér vel á strik í gær á þriðja og næst síðasta keppnisdegi á úrtökumótinu fyrir Evrópumótaröðina í golfi. Birgir lék á 69 höggum eða þremur höggum undir pari vallar og er hann í 21. -26. sæti fyrir lokahringinn sem fram fer í dag. Mótið er hluti af 1. stigi úrtökumótsins og má gera ráð fyrir að 27 kylfingar komist áfram af þessu móti sem fram fer á Ítalíu. Birgir er samtals á tveimur höggum undir pari vallar (71-74-69).

Golf 28. september 2012 09:49

Ísland náði sér ekki á strik á fyrsta hringum á HM í Tyrklandi

Íslenska kvennalandsliðið í golfi náði sér ekki á strik á fyrsta keppnisdeginum á heimsmeistaramóti áhugamanna sem fram fer í Tyrklandi. Ísland er þessa stundina í 43. sæti af alls 56 liðum sem taka þátt. Tvö bestu skorin af alls þremur telja í hverri umferð en leiknar eru 72 holur eða fjórir hringir.

Golf 27. september 2012 12:54

Birgir Leifur í erfiðri stöðu á Ítalíu

Birgir Leifur Hafþórsson, atvinnukylfingur úr GKG, náði sér ekki á strik á öðrum keppnisdegi af alls fjórum á úrtökumóti fyrir Evrópumótaröðina í golfi í dag. Birgir lék á 74 höggum eða 3 höggum yfir pari en hann er samtals á 2 höggum yfir pari. Mótið sem fram fer á Ítalíu er hluti af fyrsta stigi úrtökumótsins en alls eru stigin þrjú. Birgir er þessa stundina í 43. sæti en að öllum líkindum komast 27 efstu kylfingarnir áfram af þessum velli.

Golf 26. september 2012 14:42

Snedeker fékk 1,2 milljarða í bónus

Bandaríkjamaðurinn Brendt Snedeker stóð uppi sem sigurvegari á PGA-mótaröðinni í golfi eftir að hafa unnið Tour Championship-mótið í gær.

Golf 24. september 2012 10:15

Verður Grafarholtsvelli lokað í tvö ár?

Grafarholtsvöllur er einn allra vinsælasti golfvöllur landsins og það er ekki auðvelt að tryggja sér rástíma á vellinum enda margir kylfingar í Golfklúbbi Reykjavíkur. Svo gæti farið að enginn fái að spila á vellinum í allt að 24 mánuði. Kylfingur segir frá því að ein af tillögum frá Framtíðarnefnd Grafarholts sé að loka vellinum í tvö ár á meðan fara fram endurbætur á vellinum.

Golf 22. september 2012 17:00

Frábær lokahringur hjá Ólafi | komst inn á úrtökumót PGA

Ólafur Björn Loftsson úr Nesklúbbnum náði frábærum árangri í dag þegar hann tryggði sér keppnisrétt á 1. stigi úrtökumótsins fyrir bandarísku PGA mótaröðina í golfi. Ólafur lék lokahringinn á 67 höggum eða -3 og náði hann að koma sér í hóp 38 efstu sem komust áfram úr þessari forkeppni sem fram fór í Dallas. Hann lék hringina þrjá á samtals tveimur höggum yfir pari vallar og endaði hann í 34. sæti af um 80 keppendum. Kylfingur.is greinir frá.

Golf 21. september 2012 20:31

Ragnar Már lék frábært golf | Ísland er í fjórða sæti í Búlgaríu

Íslenska piltalandsliðið í golfi skipað leikmönnum 18 ára og yngri er í fjórða sæti að lonkum fyrsta keppnisdegi í undankeppni EM unglinga, European Boys Challenge Trophy. Mótið fer fram í Búlgaríu. Ragnar Már Garðarsson úr GKG sem sigraði nýverið á Duke of York unglingamótinu lék á 4 höggum undir pari og er hann í efsta sæti í einstaklingskeppninni ásamt tveimur öðrum.

Golf 21. september 2012 16:00

Norman segir að Tiger sé hræddur við McIlroy

Kylfingurinn Rory McIlroy er ekkert sérstaklega ánægður með Ástralann Greg Norman sem heldur því fram að McIlroy hræði sjálfan Tiger Woods.

Golf 20. september 2012 10:15

Asískir kvenkylfingar vinna öll stórmótin

Jiyai Shin frá Suður-Kóreu sigraði með yfirburðum á opna breska meistaramótinu í golfi í kvennaflokki en mótinu lauk í gær. Shin lék lokahringinn á 73 höggum, eða einu höggi yfir pari, á Royal Liverpool vellinum við erfiðar aðstæður og sigraði hún með 9 högga mun. Inbee Park frá Suður-Kóreu varð önnur og Paula Creamer frá Bandaríkjunum varð þriðja.

Golf 17. september 2012 12:30

Bjóst ekki við því að vinna

Ragnar Már Garðarsson fékk frábærar móttökur þegar hann kom til landsins í gær sem nýrkrýndur meistari á einu sterkasta unglingagolfmóti heimsins.

Golf 15. september 2012 07:00

Óvíst hvort Birgir Leifur kemst í gegnum niðurskurðinn

Birgir Leifur Hafþórsson, atvinnukylfingur úr GKG, hefur lokið leik í dag á öðrum keppnisdegi á Áskorendamótaröðinni á móti sem fram fer í Kasakstan. Birgir lék á 71 höggi í dag eða 1 höggi undir pari og en hann lék á pari vallar í gær eða 72 höggum.

Golf 14. september 2012 10:45

Andrew Bretaprins afhenti Ragnari bikarinn

Ragnar Már Garðarsson úr Golfklúbbi Kópavogs og Garðabæjar vann í dag Duke of York golfmótið sem fór fram á Royal Troon vellinum í Skotlandi. Ragnar Már hafði betur gegn Englendingnum Max Orrin og Katja Pogacar frá Slóveníu í bráðabana um sigurinn en þeir léku öll á 225 höggum eða níu höggum yfir pari.

Golf 13. september 2012 17:46

Ragnar Már sigraði á Duke of York mótinu eftir bráðabana

Ragnar Már Garðarsson, kylfingur úr GKG, sigraði í dag á Duke of York mótinu sem fram fór á hinum þekkta Royal Troon vellinum í Skotlandi. Mótið er gríðarlega sterkt alþjóðlegt móti fyrir unga áhugakylfinga og hafði Ragnar betur á þriðju holu í bráðabana gegn þeim Max Orrin frá Englandi og Katja Pogacar frá Slóveníu, en á þessu móti keppa stúlkur og drengir í sameiginlegum flokki. Kylfingur.is greinir frá.

Golf 13. september 2012 16:05

Birgir Leifur lék á pari vallar í Kasakstan

Birgir Leifur Hafþórsson, atvinnukylfingur úr GKG, lék á pari vallar á fyrsta keppnisdegi á Áskorendamótaröð Evrópu í dag. Að þessu sinni er keppt í Kasakstan en Birgir er í 86.-101 sæti en alls eru 141 keppendur á mótinu. Birgir fékk skolla (+1) á 3., og 4. braut en hann náði þeim höggum til baka með fuglum (-1) á 9. gg 10. braut. Bandaríski kylfingurinn Peter Uhlein er efstur á -9 en hann lék á 63 höggum í dag.

Golf 13. september 2012 13:59

Mest lesið